Өскемен қаласы
Әкімінің ресми сайты

Өскемен қаласы әкімінің ресми сайтына қош келдіңіздер!

www.oskemen.kz сайты Өскемен қаласына арналған. Сіз бұл жерден Шығыс Қазақстан облысы орталығына қатысты барлық ақпаратты, күнделікті жаңалықтар, анықтама ақпарат, очерктер және көркем фотосуреттерді таба аласыз. Ары қарай...

Әкім блогы


- Өскемен қаласының әкімі

Ішкі саясат

Дін

Статьи  
Видеоролики  

Өскемен қаласы бойынша діни ахуал тұрақты. Қазақстан Республикасының «Діни қызмет және діни бірлестіктер туралы» Заңының бұзылуы бойынша кемшіліктер тіркелмеген.

  • Қала аумағында 28 діни бірлестік тіркелген. Олар:
  • 5 мешіт;
  • 7 православиелік приход;
  • 13 протестанттық бірлестік;
  • «Әулие Розарияның Әулие Мариясы» Римдік-Католиктік приходы;
  • Өскемен қалалық Кришнаны тану ұйымы;
  • ШҚО Еврейлер ұйымы;

Аталған діни бірлестіктердің 25 ғибадат үйлері жұмыс атқарады.
Бүгінгі таңда қала көлемінде 11 миссионер тіркеліп, қызмет атқаруда (католиктік – 4, протестанттық – 5, Кришнаны тану қоғамы – 2).

Қазақстан Республикасында діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламаны іске асыру бойынша ішкі саясат бөлімі тарапынан дін сұрақтары мен діни экстремизмнің алдын алуға бағытталған ақпараттық жұмыстар жүргізілуде.
Жыл басынан бері қала көлемінде 5 ақпараттық-насихат топтары жұмыс атқарады. Топ құрамына мемлекеттік қызметкерлер, теологтар мен дәстүрлі діни бірлестіктер өкілдері енгізілген. 
Сонымен қатар, діни тұрақтылықты сақтау мақсатында және дінаралық қарым-қатынасты нығайту бойынша қала әкімдігінің жанындадіни бірлестіктермен байланыс жөніндегі Кеңес жұмыс атқарады. Аталған Кеңес құрамына құқық қорғау органдарының қызметкерлері, діни бірлестіктер өкілдері, Үкіметтік емес ұйымдар өкілдері мен белсенді жастар енгізілген.

Шығыс Қазақстан облысының 2013 жылдың 15 ақпанындағы №29 қаулысына сәйкес, Өскемен қаласы бойынша діни мазмұндағы әдебиеттер мен діни бұйымдар тарататын, ғибадат үйлерінен тыс жерлерде діни жоралғылар өткізетін арнайы орындар белгіленген.
Нәтижесінде, қала бойынша діни әдебиеттер мен бұйымдар тарататын 33 орын мен ғибадат үйлерінен тыс жерлерде діни жоралғылар өткізетін 3 орын белгіленген.
Жұмыстың нәтижелігін арттыру мақсатында және діни бірлестіктердің қызметін арттырып, теріс діни ағымдардың алдын алу үшін қалалық ішкі саясат бөлімінен діни бірлестіктермен байланыс жөніндегі сектор ашылып, тиісті жұмыстар атқарылуда.
Аталған сектордың нәтижелі жұмысы ретінде Қазақстан Республикасының Әкімшілік құқық бұзушылық туралы Кодексінің 490 бабы бойынша тіркелген әкімшілік құқық бұзушылық хаттамалары болып табылады. Бүгінде 310 айлық есептік көрсеткіш көлеміндегі айыппұлмен 5 әкімшілік хаттамалар толтырылып, сот процестері аяқталған.  

Діни экстремизмнің алдын алуға бағытталған жұмыстар қала мектептерінде де жүйелі жүргізіледі.
Бүгінде қалада 49 жалпы білім беретін мектептері (45 мемлекеттік, 2 кешкі, 2 жеке меншік), 50 балалар бақшасы (1 мектеп-балабақша кешені, 27 мемлекеттік, 4 түзету мемлекеттік, 18 жеке меншік), 12 қосымша білім беру ұйымдары жұмыс істейді.
Қазақстан Республикасының Білім және ғылым Министрлігінің бұйрығына сәйкес 2016-2017 оқу жылының оқу процесіне жалпы білім беретін мектептерде «Зайырлылық және дінтану негіздері» атты факультативтік курс енгізілген, бұл пәнді біліктілікті арттыру курсынан өткен тарих пәнінің ұстаздары жүргізеді.

Жастар арасында діни сауаттылықты арттыру және діни экстремизмнің алдын алу үшін, барлық жалпы білім беретін мектептерде ақпараттық-насихаттық топ жұмыс атқарады, құрамына мектептердің әкімшілік өкілдері, тарих мұғалімдері мен дінтанушылар енгізілген.
Сондай-ақ, терроризм мен діни экстремизмнің алдын алу мақсатында, қаланың білім беру ұйымдарында 58 бейне камералар және 852 бейнекамера ШҚО ІІБ-ның жедел басқару орталықтарында тікелей қосылған.
Діни экстремизм мен терроризмнің түсіндіру жұмыстарын жүргізу үшін бұқаралық ақпараттық құралдары арқылы кеңінен жарияланады.
«Қазақстан-Өскемен» облыстық телеарнасында облыстық діни бірлестіктерінің қатысуымен эфирге айына 2 рет «Дін мен діл», «Близкие духом»(жыл басынан 12 телехабар өткізілген) бағдарламасы шығарылады.
Апта сайын «Атамекен» қалалық телеарнасында «Ашық әнгіме» атты бағдарлама таратылуда (жыл басынан 9 телехабар).

Өткізіліп жатқан тәрбиелік және алдын алу жұмыстарының маңызды бағыттарының бірі деректі фильмдерді дайындау және тақырыптылық көрсетілу болып есептеледі. 2016 жылы 3 деректі фильм дайындалды («Дом где бьется сердце», «Родная для всех», «Усть-Каменогорск- колыбель мира и согласия»). Аталған бейнероликтер көше LED экрандар мен мониторларда көрсетіледі.
Сондай-ақ, 2017 жылдан бастап ішкі саясат бөлімінің тапсырысы бойынша «Қазақстан-Өскемен» облыстық телеарнасымен Өскемен қаласының діни ахуалы жайлы арнайы репортаж дайындалған. Бұл репортаж мемлекеттік және орыс тілінде телеарналар мен әлеуметтік желілерде көрсетілген.

«Устинка», «Мой город», «Алдаспан», «Менің өлкем» қалалық газеттерінде «Благовест», «Дін- татулық тірегі» атты тұрақты тақырыптық бағандар ұйымдастырылған.
Өскемен қаласы әкімінің ресми сайтында теріс діни ағымдардың қаупі мен мәнін түсіндіруі бойынша ақпараттық материалдар, сондай-ақ, сайтта терроризм актілерінің алдын алуы бойынша «Экстремизм мен терроризмнің алдын алу» жадынамалары орналыстырылған.
«Фейсбук» әлеуметтік желісінде «Өскемен қаласының Ақпараттық насихат тобы» атты парақшасы іске қосылып жұмыс істеуде, онда жаңалықтық сюжеттер мен ақпараттық материалдар орналасады.
Сонымен қатар алдын алу жұмыстарын өткізу мақсатында белсенді түрде көрнекі үгіт-насихат ресурстары пайдаланылады, қалада 2017 жыл бойынша осы тақырыпта терроризм актісі туралы жалған ақпарат бергені бойынша жауапкершілікке тартылатындығы жайлы қауырт желісі нөмірлері көрсетілген 6 банне орналыстырылған.

Діни экстремизм мен терроризмнің алдын алу жұмыстары бойынша Өскемен қаласы діни бірлестіктерінің әлеуеті кеңінен қолданылады.
Халифа Алтай атындағы облыстық мешітімен ағымдағы кезенде 7000-нан астам адам қамтылған 100 ден астам түрлі іс-шаралар (Ақсақалдардың бірінші форумы, Мәүліт мерекесі, ғылыми практикалық семинарлар, жастардың спорттық іс-шаралары, ақындар айтысы, спорттық жарыстар, кездесулер, дөңгелек үстелдер) ұйымдастырылды.

Есепті кезеңде Өскемен және Семей Епархиясымен 2000-нан астам адам қамтылған 50-ден астам іс-шаралар (Крещение Господне, крест жорығы, дін аралық спартакиада, православие жастарының Съезі)өткізілді.
Бірлесіп ұйымдастырылған іс-шаралар дәстүрге айналды. Ол Құрбан айт, Ораза айт, Рождество Христово, Масленица секілді мерекелер.
Діни экстремизм мен терроризмнің алдын алуындағы маңызды бағыт -  спорттық іс-шаралар ұйымдастыру болып табылады.
Мәселен Өскемен қаласында ден шынықтыру және спортпен айналысу үшін 416 спорттық орындар тіркелген. Сонымен қатар, жекпе-жек сарайы, 2 хоккей модулі, Олимпмада чемпионы О. Рыпакова атындағы жеңіл атлетикалық манеж бен 50-метрлік жабық жүзу бассейні, спортта дарынды балаларға арналған мектеп интернат бар.

2016 жылы жүйелі түрде дене шынықтыру және спортпен айналысатындардың саны 106579 адамды қамтылды, ол қала тұрғындарының 31.7 % болып табылады.
5 тен 19 жас аралығындағы дене шынықтыру және спортпен айналысатын балалар саны 49408 адам, ол барлық тұрғындардың 32,6 % құрады.
Діни экстремизм мен терроризмнің алдын алу жұмыстары жалғасын табуда және қатаң бақылауда.

Діни экстремизмге мен терроризмге қарсы іс-қимыл

Қазақстан республикасы дін істері және азаматтық қоғам Министрлігінің салафизм діни ағымына Қатысты ұстанымы

Министрлік қазіргі күнде тиісті мемлекеттік органдармен бірлесіп салафизм мәселесін мұқият қарастыруда.

Осыған дейін Қазақстанда 23 лаңкестік және экстремистік ұйымдарға, соның ішінде салафиттік бағыттағы «Ат-Тәкфир Уәл-Хиджра» экстремистік ұйымына тыйым салынғандығын атап өткім келеді.
Осы ретте салафизм ұйым емес екендігін атап өту қажет. Ол - діни ағым, көзқарастар жүйесі.

Еліміздің қолданыстағы заңдары қазірдің өзінде заңсыз уағыз жүргізу, жасырын діни жиындар мен радикалды діни әдебиеттерді таратудың жолын кесуге барлық мүмкіндіктерді береді.
Оларды орындауды қамтамасыз ету керек.

Салафизм тақырыбына келетін болсақ, мемлекеттік құрылысы шариғатқа негізделген жекелеген елдерде салафизмге жақын діни ағымдар дәстүр ретінде орнығуы мүмкін.
Ал Қазақстанға келер болсақ, отандық дінтанушылардың пікірінше, салафизм Қазақстан үшін айтарлықтай қауіп тудыратын әлеуетке ие.

Салафизм ұстанушыларының өз идеялары мен құндылықтарын біздің ұлттық мәдениетімізден, рухани дәстүрлеріміз бен құндылықтарымыздан жоғары қояды.
Салафилердің барлығы ашық айтпаса да қатаң діни қағидаларға құрылған мемлекетті қоғамдық құрылыстың «идеалды  жүйесі» деп есептейді.

Біз қазіргі күнде ислам әлемінде, соның ішінде бірқатар араб елдерінің өзінде, салафизм идеялары беделді діни тұлғалар мен  заманауи ислам ойшылдары тарапынан сынға ұшырап отырғанын көріп отырмыз.
Біз осыған байланысты салафизмді Қазақстан Республикасы үшін мүлдем жат әрі теріс діни ағым деп санаймыз.

Елімізге сырттан келген бұл діни ағым күн өткен сайын халық тарапынан тойтарысқа ұшырауда.
Жалпы, қазақстандық қоғам радикализмге жетелейтін бұл жат ағымға теріс көзқараста.

Осы себепті бүгінгі күнде еліміздегі салафизм жақтастарының саны азайып жатқандығы байқалады және олардың Қазақстанда ұйымдасқан құрылымдары жоқ.
Сондықтан алдағы уақытта салафизм идеологиясын насихаттайтын ұйымдардың пайда болуына, әдебиеттерінің таралуына және интернет-сайттарының жұмыстарына жол бермейтін боламыз.
Қажет болған жағдайда, Қазақстан мұсылмандары діни басқармасына діндар азаматтар тарапынан ел мешіттерінде бекітілген тәртіп ережелерін сақтауға көмектесетін боламыз.

Біз қазақстандық дана халқымыз елімізге жат салафизм ағымының таралуына заңмен тыйым салмай-ақ жол бермейді және зайырлы қағидаттарды басшылыққа алатын заманауи Қазақстанды құруды таңдайды деп сенеміз.
Бұл таңдауды Қазақстанның әрбір азаматы қолдауы тиіс. Жұмыла көтерген жүк жеңіл болады.

 


Хабарлама